Sveifluferill v.s. Sveiflustefna
Sveifluferill(club path), og sveiflustefna(swing direction) er ekki sami hluturinn.Club path er mælt í tvívídd(2D) og sveiflustefna er mæld í þrívídd(3D)Miðað við Driver.Þau sem geta sveiflað upp á boltann (+attack angle) eru oft með negatívan sveifluferil(- club path). Þá halda margir að sveiflan sé yfir boltann(out-to-in), en það þarf ekki að vera rétt. Það er hægt að skoða Sveiflustefnu(Swing direction) í Trackman, og þá er auðveldlega hægt að sjá í hvaða stefnu við erum að sveifla kylfunni v.s. feril kylfunnar.Sveiflustefna er mæld c.a. frá hné í hné og club path er mælt á þeim stað sem við hittum boltann.Fyrir öll sem eru komin það langt að geta stjórnað ferlinu með driver, þá skiptir stefnan meira máli heldur en ferillinn.Fræðsla frá Trackman:https://blog.trackmangolf.com/swing-direction/Ýtarlegri útskýring væntanleg :)Liðleiki axla
Ég fæ oft til mín kylfinga sem hafa ekki nógu mikinn liðleika í öxlum og baki. Þá getur reynst erfitt að setja kylfuna t.d. á réttan feril.Ég sendi nemendur mjög oft heim með æfingar til þess að teygja á öxlum og baki.Myndin sýnir muninn á því hvernig liðleiki í hægri öxl og baki getur haft áhrif á sveifluna og feril. Auðvitað erum við öll mismunandi og sumir geta þetta bara alls ekki og þá er unnið út frá því. En þetta er vert að skoða.Í þessum tveimur myndböndum eru góðar æfingar til þess að vinna í þessum liðleika og fá styrk í axlir og bak. Það þarf ekki lóð eins og notuð eru í myndbandinu, heldur einfaldlega gera þessar hreyfingar sem eru sýndar.Lægsti punktur (Low Point)
Það er erfitt fyrir marga kylfinga að hafa lægsta punktinn stöðugan á sama stað. Það er samspil margra þátta sem á sér stað. Ég sé fyrst og fremst að jafnvægi sé ekki gott."Low Point" gefur okkur tölu í lægsta punkt ferilsins í sveiflunni(sjá mynd og video).Við viljum hafa lægsta punktinn áður eða eftir að boltinn er hittur.Fyrir járnahögg:viljum við að lægsti punktur sveiflunnar sé eftir að við hittum boltann, þar sem við hittum grasið eða mottuna.Fyrir Driver:Þeir sem slá lengst eru oftast með lægsta punkt áður en við hittum boltann þ.e. pósitívan höggvinkil(+attack angle)Bolvinda
Vinstri öxlin í golfsveiflunni og bolvinda(miðað við rétthentan kylfing)Það skiptir máli að við snúum líkamanum í sveiflunni og beinum vinstri öxlinni niður.Mjög algengt er að sjá kylfinga reisa sig upp í aftursveiflunni sem skapar mörg vandamál. Ef við reisum okkur upp er hætt við því að við myndum öfugan þyngdarflutning(höfuðið færist að skotmarki í aftursveiflu) og jafnvægið fer úr skorðum. Algengt er þá að ferillinn verði út-inn og áfallshornið óstöðugt(kúlan myndar sveig frá vinstri til hægri)Ef við náum að framkvæma þetta rétt þá sjáum við að höfuðið færist örlítið frá skotmarkinu, og svo að því í niðursveiflunni.Góð æfing er að leggja kylfu á axlir, koma sér fyrir í golfstöðunni og hafa gripendann við vinstri öxl. Snúa baki og öxlum þannig að gripendinn vísi niður í aftursveiflunni.
Kylfuferill (Club path)
Kylfuferill er ferillinn, eða sú leið sem kylfan er á þegar boltinn er hittur.Mínus tala þýðir að ferillinn er “út-inn” (þ.e. kylfan er á leið til vinstri þegar boltinn er hittur). Plús tala þýðir að ferillinn er “inn-út” (þ.e. kylfan er á leið til hægri þegar boltinn er hittur). Ágætt viðmið er -3° til +3°https://blog.trackmangolf.com/club-path/